Փետրվարի 22
Ընտրել Հովհաննես Թումանյանի բանաստեղծություններից, սովորել, ձայնագրել։
ԿՈՐՈՒՍՏԻՑ ՀԵՏՈ
Խնդրի՛ր, սիրտ իմ կարոտակեզ,
Սիրտ իմ պանդուխտ, վշտաբեկ,
Խնդրիր նրան, որ այլևս քեզ
Սփոփելու չէ երբեք։
Կանչի՛ր, կանչի՛ր, գուցե կանչիս
Հնչյունները ըղձական,
Ինչպես միտքս, ինչպես հոգիս,
Թափանցեն այն գերեզման…
Յուր դրախտից գուցե լսե
Հառաչանքս աղեկեզ,
Մտաբերե և ափսոսե,
Որ ես ապրում եմ այսպես…
Բացատրական բառարան՝
Կարոտակեզ-Կարոտից կիզվող՝ տոչորվող, կարոտավառ
Պանդուխտ-Հայրենի երկրից հեռացած և օտար երկրում(երկրներում) ապրող մարդ
Վշտաբեկ-Վշտից բեկված՝ տառապած՝ ուժասպառ եղած
Սփոփել-Մեկի վիշտը՝ անհանգստությունը՝ մտատանջությունները ցրել՝ փարատել՝ ամոքել
Ըղձական-Ւղձ՝ փափագ արտահայտող՝ պարունակող
Աղեկեզ-Աղեխարշ, մորմոքող, կսկծալի
Յանա Սարդարյան 